Elena Rybakına jaraqatyna baılanysty Doha týrnıriniń shırek fınalyna shyǵa almady
NUR-SULTAN. QazAqparat – Qazaqstannyń birinshi, álemniń 17-raketkasy Elena Rybakına Doha WTA premer týrnıriniń shırek fınalyna shyǵa almady, dep habarlaıdy QazAqparat tilshisi.
Qazaqstandyq tennısshi úshinshi aınalymda álemniń 1-raketkasy, aýstralııalyq Eshlı Bartımen kortqa shyǵýy tıis edi.
E.Rybakına aıaǵynan alǵan jaraqatyna baılanysty kezdesýden bas tartty.
Qazaqstandyq tennısshi jyl basynan beri buǵan deıin WTA dodalarynda 25 match ótkizip, sonyń 21-inde jeńiske jetti. Bul - rekordtyq kórsetkish sanalady. Tórt márte fınalǵa shyǵyp, sonyń bireýinde chempıon atandy.
E.Bartı Doha jarysynyń (júlde qory – 2,9 mln AQSh dollary) shırek fınalynda álemniń 16-raketkasy, ıspanııalyq Garbıne Mýgýrýsa nemese reıtıngte 25-oryndaǵy ýkraınalyq Daıana ıAstremskaıanyń qaı jeńgenimen sheberlik baıqasady.
Dohada taǵy bir qazaqstandyq, reıtıngte 32-satydaǵy ıÝlııa Pýtıntseva búgin shırek fınalǵa shyǵý úshin álemniń 9-raketkasy, shveıtsarııalyq Belında Benchıchpen talasady.
Erler arasynda Qazaqstannyń birinshi, álemniń 47-raketkasy Aleksandr Býblık Dýbaıda reıtıngte 6-orynda turǵan grekııalyq Stefanos Tsıtsıpaspen shırek fınal joldamasyn sarapqa salady.
Eske sala keteıik, budan buryn A.Býblıktiń Dýbaı týrnıriniń ekinshi aınalymyna, ıÝ.Pýtıntsevanyń Dohada úshinshi aınalymǵa shyqqanyn, E.Rybakınanyń álemniń 1-raketkasymen kezdesetinin jazǵan bolatynbyz.
