Elena Rybakına US Open chempıonatyna deıin qansha tabys taba alady

ASTANA. QazAqparat – Qazaqstandyq tennısshi Elena Rybakına (WTA reıtınginde 3-oryn) Monrealdaǵy (Kanada) Canadian Open jáne Tsıntsınnatıdegi (AQSh) Cincinnati Masters týrnırlerine qatysýshylar tiziminde tur, dep habarlaıdy QazAqparat Sports.kz-ke silteme jasap.

Monrealdaǵy WTA týrnıri 7-13 tamyz aralyǵynda ótedi. Júlde qory 2 788 468 dollardy quraıdy. Jeńimpaz 454 500 dollarǵa jáne reıtıngilik 900 upaıǵa ıe bolady. Tsıntsınnatıdegi týrnır 14-20 tamyz aralyǵynda ótedi. Onyń júlde qory 2 527 250 dollardy quraıdy. Týrnır jeńimpazy 412 000 dollar alady jáne oǵan reıtıngilik 900 upaıǵa kepildik beriledi.

Aıta keteıik, Monreal men Tsıntsınnatıdegi týrnırlerden keıin 28 tamyz ben 10 qyrkúıek aralyǵynda tennısten bıylǵy jyldyń tórtinshi jáne sońǵy «Úlken dýlyǵa» týrnıri – AQSh ashyq chempıonaty (US Open) ótedi.