Elena Rybakına Úlken shlem týrnırinde qansha tabys tapty
NUR-SULTAN. QazAqparat – Qazaqstandyq tennısshi Elena Rybakına Ýımbldondaǵy jeńisi úshin $2 mln tabys tapty, dep habarlaıdy QazAqparat Sports.kz saıtyna silteme jasap.
Tómende sportshynyń Úlken shlem týrnırlerinde óner kórsetkeni úshin alǵan barlyq gonorary kórsetilgen. Ol barlyǵy 3 745 108 dollar tabys tapqan.
«Rolan Garros»-2019: birinshi aınalym, $ 40 000
US Open-2019: birinshi aınalym, $ 58 000
Australian Open-2020: úshinshi aınalym, $ 124 138
US Open-2020: ekinshi aınalym, $ 100 000
«Rolan Garros»-2020: ekinshi aınalym, $ 84 000
Australian Open-2021: ekinshi aınalym, $ 115 500
«Rolan Garros»-2021: shırek fınal, $ 283 500
Ýımbldon-2021: 1/8 fınal, $ 211 770
US Open-2021: úshinshi aınalym, $ 180 000
Australian Open-2022: ekinshi aınalym, $ 102 200
«Rolan Garros»-2022: úshinshi aınalym, $ 126 000
Ýımbldon-2022: tıtýl, $ 2 320 000
Qazaqstandyq tennısshi Elena Rybakına (WTA álemdik reıtınginde 23-shi oryn) Ulybrıtanııanyń ashyq chempıonatynyń fınalynda Týnıs ókili jáne WTA reıtınginde álemniń ekinshi raketkasy Ons Jabermen kezdesýde úsh sette jalpy eseppen 3:6, 6:2, 6:2 jeńiske jetti. Kezdesý bir saǵat 50 mınýtqa sozyldy. Elena Rybakına týrnırdegi jeńisi úshin Qazaqstan Tennıs federatsııasynyń syılyǵynan bas tartyp, qaıyrymdylyqqa jumsaýdy surady.
