Elena Rybakına Ýımbldonda US Open chempıonyn utty

NUR-SULTAN. QazAqparat – Qazaqstannyń birinshi, álemniń 23-raketkasy Elena Rybakına Ýımbldon týrnıriniń úshinshi aınalymyna shyqty, dep habarlaıdy QazAqparat tilshisi.

Qazaqstandyq tennısshi ekinshi aınalymda álemniń 56-raketkasy, 2019 jylǵy US Open chempıony, kanadalyq Bıanka Andreeskýmen kezdesti.

E.Rybakına birinshi partııada 6:4 esebimen basym tústi.

Ekinshi sette taı-breıkte matchbolyn sátti paıdalana bildi – 7:6 (7:5).

Saǵat jarymnan astam ýaqytqa sozylǵan básekede Elena 4 eıspen birge 4 breık-poınttyń úsheýin múlt jibermedi.

E.Rybakına tórtinshi aınalymǵa shyǵý úshin álemniń 52-raketkasy, qytaılyq Sınven Jenmen talasady. Ol belgııalyq Grete Mınnendi joldan taıdyrdy – 6:4, 6:1.

Eske sala keteıik, budan buryn Aleksandr Býblıktiń Ýımbldon týrnıriniń úshinshi aınalymyna shyqqanyn, qazaqstandyq tennısshiniń jarysty sátti bastaǵanyn jazǵan bolatynbyz.

Sondaı-aq Ýımbldon jasóspirimder týrnırinde taǵy bir qazaqstandyq tennısshióner kórsetedi.

Qazaqstandyq jas tennısshi Ýımbldonda alǵashqy jeńisine qol jetkizdi.