Elena Rybakına Ýımbldon týrnıriniń úshinshi aınalymyna ótti
NUR-SULTAN. QazAqparat – Qazaqstannyń birinshi, álemniń 20-raketkasy Elena Rybakına Ýımbldon týrnıriniń úshinshi aınalymyna ótti, dep habarlaıdy QazAqparat tilshisi.
Osy «Úlken dýlyǵa» dodasynyń 18-raketkasy bolyp tirkelgen E.Rybakına ekinshi aınalymda reıtıngte 120-satyda turǵan amerıkalyq Kler Lıýmen sheberlik baıqasty.
Qazaqstandyq tennısshi 1 saǵat 22 mınýtqa sozylǵan matchta 6:4, 6:4 esebimen jeńiske jetti.
Báseke barysynda E.Rybakına 7 eıs jasap, úsh breık-poıntty túgeldeı paıdalandy. Qarsylasy 5 eıs, 1 breıkpen shekteldi.
E.Rybakına tórtinshi aınalymǵa shyǵý úshin álemniń 18-inshi, osy jarystyń 15-raketkasy, grekııalyq Marııa Sakkarı nemese reıtıngte 46-satydaǵy amerıkalyq Shelbı Rodjerstiń bireýimen talasady.
Osylaısha 22 jastaǵy Rybakına óz sporttyq jolynda alǵash ret Ýımbldon týrnıriniń úshinshi aınalymyna shyǵyp otyr.
Eske sala keteıik, budan buryn ıÝlııa Pýtıntsevanyń ekinshi aınalymǵa shyqqanyn, al Zarına Dııastyń jeńilip qalǵanyn jazǵan bolatynbyz.
Sondaı-aq Aleksandr Býblık alǵash ret Ýımbldon týrnıriniń ekinshi aınalymyna shyqty.
