Elena Rybakına tennıstegi álemdik qarsylastaryn atady

ASTANA. QazAqparat – Elena Rybakına tennıste kimderdi myqty qarsylas dep sanaıdy? Bul saýalǵa sportshy «Jibek Joly» telearnasyna bergen eksklıýzıvti suhbatynda jaýap berdi, dep habarlaıdy QazAqparat tilshisi.

«Myqty oıynshylar jetkilikti. Olardyń kóbimen ótken match maǵan aýyr tıdi. Jyl basynan berilmeıtin qarsylasymnyń biri Arına Sobolenko shyǵar. Oıyn ońaıǵa túspeıtin, biraq jeńgiń keletin oıynshylar kóp. Kreıchıkova óte myqty oıynshy, qazir Ýns Djabır tennıske qaıta oralyp, týrnırde jeńiske jetti. Odan bólek, Iga Svıatok bar. Qarsylastar jetkilikti, jumys isteý kerek», - dedi Elena Rybakına suhbat barysynda.

Aıta keteıik, búgin Memleket basshysy Elena Rybakınany qabyldady.

Sondaı-aq, sportshy elordada «Bıllı Djın Kıng» kýbogine oraı ótken baspasóz máslıhatynda ár jeńistiń ońaıǵa soqpaıtynyn aıtqan edi.

Odan bólek, qazaqstandyq tennısshi otandyq jankúıerlerdiń qoldaýyna razylyǵyn bildiripi, dem beretininin málim etti.

«Qazaqstanda alǵash oınaǵanda korttaǵy atmosfera men qoldaý óte joǵary, men kútpegen qoldaý boldy. Ol meniń úıdegi alǵashqy matchym edi. Endi tájirıbe bar, korttaǵy oıyn ońaıyraq bolady. Árıne, jankúıerler matchtarda meniń óte sabyrly ekenime qaramastan, joǵary deńgeıde qoldap, dem beredi. Jankúıerlerdiń qoldaýy qıyn sátterde kómektesedi jáne qoldaýdy qabyldaýǵa árqashan qýanyshtymyn», - dedi Elena Rybakına BAQ ókilderiniń saýalyna jaýap bere otyryp.