Elena Rybakına tapqan tabysy jóninen álemde kósh basyna shyqty

ASTANA. QazAqparat – Maıamı WTA 1000 týrnıriniń fınalyna shyqqannan keıin Qazaqstannyń birinshi, álemniń 7-raketkasy Elena Rybakına tapqan tabysy jóninen kósh basyna shyqty, dep habarlaıdy QazAqparat tilshisi.

«Sport Shredıngera» telegram-kanalynan alynǵan málimetke qaraǵanda, qazaqstandyq tennısshi álemniń ekinshi raketkasy, Belarýs ókili Arına Sobolenkony basyp ozdy.

Jyl basynan beri Elena 3 mln 178,819 myń, Arına 3 mln 118,046 myń AQSh dollary kóleminde tabys tapty.

Álemde 2023 jyly eń kóp tabys tapqan tennısshiler úshtigi mynadaı:

1. Elena Rybakına – $3 178 819,

2. Arına Sobolenko – $3 118 046,

3. Djessıka Pegýla – $1 979 888.

Maıamı jarysynda Elena Rybakına qazirdiń ózinde 662 360 dollar tabys taýyp, 650 reıtıngilik upaıǵa ıe bolyp otyr.

Eske sala keteıik, budan buryn Elena Rybakınanyń Maıamıde jartylaı fınalda birinshi sátte qarsylasynan basym túskenin jazǵan bolatynbyz.

Sondaı-aq Elena Rybakına Maıamıde álemniń úshinshi raketkasyn jeńip, fınalǵa shyqty.

Elena Rybakına taı-breık pen eıs jóninen biregeı nátıjege qol jetkizdi.