Elena Rybakına Slovenııadaǵy jarysty jeńispen bastady
NUR-SULTAN. QazAqparat - Qazaqstannyń birinshi, álemniń 25-raketkasy Elena Rybakına Portoroj (Slovenııa) WTA 250 jarysyn jeńispen bastady, dep habarlaıdy QazAqparat tilshisi.
Osy dodanyń úshinshi raketkasy bolyp tirkelgen qazaqstandyq tennısshi bastapqy kezdesýin dúnıejúzilik reıtıngte 173-orynda turǵan germanııalyq Laýra Zıgemýndpen ótkizdi.
Birinshi partııada nemis sportshysy taı-breıkte sátti oınady - 7:6 (7:4).
Ekinshisinde Elena ese qaıyrdy - 6:4.
Sheshýshi, úshinshi sette E.Rybakına jeńisti julyp aldy - 7:6 (10:8).
Úsh saǵat 23 mınýtqa sozylǵan tartysty báseke barysynda qazaqstandyq tennısshi 15 eıs jasap, 19 breık-poınttyń beseýin paıdalana bildi. Qarsylasy 4 breıkten asa almady.
E.Rybakına ekinshi aınalymda álemniń 66-raketkasy, chehııalyq Tereza Martıntsovamen sheberlik baıqasady. Ol reıtıngide 85-satydaǵy ulybrıtanııalyq Herrıet Dartty utty - 0:6, 6:4, 6:1.
Atalmysh jarys 18 qyrkúıekte márege jetedi.
Eske sala keteıik, budan buryn tennısten Devıs kýbogynda Qazaqstan Nıderlandy komandasymen kezdesetinin jazǵan bolatynbyz.
Sondaı-aq qazaqstandyq tennısshi Ystanbul týrnıriniń ekinshi aınalymyna shyqty.
Foto: Sports.kz
