Elena Rybakına Shtýtgart týrnırin jeńispen bastady
ASTANA. QazAqparat – Qazaqstannyń birinshi, álemniń 7-raketkasy Elena Rybakına Germanııanyń Shtýtgart qalasynda WTA 500 týrnırin jeńispen bastady, dep habarlaıdy QazAqparat tilshisi.
Qazaqstannyń kóshbasshy tennısshisi bastapqy kezdesýin dúnıejúzilik reıtıngide 65-orynda turǵan germanııalyq ıÝle Nımaıermen ótkizdi.
Qarsylastardyń buǵan deıin ózara joldary toqaılaspaǵan edi.
Elena Rybakına bir jarym saǵatqa sozylǵan matchta 7:5, 6:3 esebimen jeńiske jetti.
Qazaqstandyq sportshy 9 eıs jasap, 5 breık-poınttyń úsheýin óz esebine jazdy. Qarsylasy 2 eıs, 1 breıkpen (6 breık-poınt) kózge tústi.
E. Rybakına shırek fınalǵa shyǵý úshin álemniń 14-raketkasy, brazılııalyq Beatrıs Haddad Maııamen talasady.
Júlde qory 780 637 AQSh dollaryna baǵalanǵan jarys 23 sáýirde márege jetedi.
Eske sala keteıik, budan buryn Elena Rybakınanyń Shtýtgart týrnırindegi qarsylasy anyqtalǵanyn jazǵan edik.
