Elena Rybakına San-Dıegoda ótetin týrnırge qatyspaıtyn boldy

ASTANA. QazAqparat - Ýımbldon-2022 chempıony, álemniń 26-shy nómirli tennısshisi Elena Rybakına San-Dıegodaǵy (AQSh) WTA-500 sanatynan alyndy, dep habarlaıdy QazAqparat Sports.kz saıtyna silteme jasap.

Birinshi aınalymdaǵy kezdesýde ol eki Úlken dýlyǵa týrnıriniń chempıony ıspandyq Garbıne Mýgýrýsamen shyǵýy kerek edi. Endi Rybakınanyń ornyna Qytaı ókili Chjen Tsınven shyǵady.

San-Dıegodaǵy týrnırdiń júlde qory 757 900 dollardy qurady. Jarystyń aldyn álemniń birinshi raketkasy, polshalyq Iga Sventek bastady.

Buǵan deıin Rybakına Ostravada (Chehııa) WTA-500 sanatyndaǵy týrnırde óner kórsetken. Elena jartylaı fınalǵa shyǵyp, cheh chempıony Barbora Kreıchıkovadan 6:3, 6:7 (4:7), 4:6 esebimen jeńilip qaldy.

Rybakına osy maýsymda Gvadalaharada (Meksıka) ótetin sońǵy WTA-1000 týrnırine qatysatyny belgili boldy.

Foto: championat.com