Elena Rybakına Rolan Garros týrnırinde jarys jolynan shyǵyp qaldy

NUR-SULTAN. QazAqparat – Qazaqstannyń birinshi, álemniń 16-raketkasy Elena Rybakına Rolan Garros týrnıriniń tórtinshi aınalymyna shyǵa almady, dep habarlaıdy QazAqparat tilshisi.

Qazaqstandyq tennısshi úshinshi aınalymda álemniń 22-raketkasy, amerıkalyq Medıson Kızben sheberlik baıqasty.

Birinshi partııada breık jasaǵan E.Rybakına alda boldy – 6:3.

Ekinshi sette qarsylasy artyǵymen ese qaıyrdy – 6:1.

Úshinshi, sheshýshi partııada esep 4:3 bolǵan mezette qazaqstandyq sportshynyń breık jasaıtyndaı múmkindigi boldy. Aqyry taı-breıkte jeńis amerıkalyqtyń enshisinde ketti – 7:6 (10:3).

Eki saǵat 15 mınýtqa sozylǵan tartysty kezdesýde E.Rybakına 4 eıs jasap, 3 breık-poınttyń bireýin ǵana paıdalandy. Qarsylasy 3 eıs, 2 breıkpen kózge tústi.

Osylaısha Frantsııa ashyq chempıonatynda Qazaqstannan eshkim qalǵan joq.

Ótken jyly Rolan Garros jarysynda E.Rybakına shırek fınalǵa deıin jetken edi.

M.Kız shırek fınalǵa shyǵý úshin álemniń 29-raketkasy, reseılik Veronıka Kýdermetovamen talasady.

Eske sala keteıik, budan buryn Aleksandr Býblıktiń Rolan Garros týrnıriniń shırek fınalyna shyǵa almaǵanyn jazǵan bolatynbyz.

Sondaı-aq qazaqstandyq jas tennısshiler Qyrǵyzstandaǵy jarysta úzdik shyqty .