Elena Rybakına Rolan Garros matchyna nege shyqpaǵanyn túsindirdi

ASTANA. QazAqparat – Qazaqstannyń birinshi, álemniń 4-raketkasy Elena Rybakına Rolan Garros týrnıriniń matchyna nege shyqpaǵanyn túsindirdi, dep habarlaıdy QazAqparat tilshisi.

Qazaqstandyq tennısshi úshinshi aınalymda dúnıejúzilik reıtıngte 132-orynda turǵan ıspanııalyq Sara Sorrıbes-Tormomen oınaýy kerek edi.

«Keshe qyzýym kóterilip, ózimdi jaısyz sezindim. Búgin de solaı. Mundaı kezde oınaý aýyr. Men 100 paıyz daıyn emespin. Qyzý, bas aýrýy ári nashar uıyqtadym. Munyń belgilerin ekinshi aınalymnan keıin sezine bastadym. Sóıtip jolym bolmady. Kógal tósenishinde ótetin maýsymǵa deıin qalpyma kelýge tyrysamyn», dedi arnaıy baspasóz máslıhatynda E.Rybakına.

Eske sala keteıik, budan buryn Rolan Garrosta Qazaqstan tennısshi qyzdary úzdik úshtikke engenin jazǵan edik.

ıÝlııa Pýtıntseva Rolan Garros týrnırinde AQSh chempıonyna jol berdi.

Tennısshi Beıbit Juqaev AQSh-taǵy jarystyń jartylaı fınalyna ótti.