Elena Rybakına Rım masters týrnıriniń shırek fınalyna shyqty

ASTANA. QazAqparat – Qazaqstannyń birinshi, álemniń 6-raketkasy Elena Rybakına Rım WTA 1000 týrnıriniń shırek fınalyna shyqty, dep habarlaıdy QazAqparat tilshisi.

Qazaqstandyq tennısshi tórtinshi aınalymda dúnıejúzilik reıtıngte 70-orynda turǵan chehııalyq Marketa Vondroýshovamen sheberlik baıqasty.

Osyǵan deıin qarsylastar 2021 jyly Máskeý jarysynda kezdesip, onda chehııalyq tennısshi 6:4, 6:4 esebimen jeńiske jetken edi.

Bul joly birinshi partııada E.Rybakına 6:3 esebimen basym tústi.

Ekinshi sette qazaqstandyq tennısshi 4:1 esebimen alǵa ketkenimen, chehııalyq sportshy qaıyra breık jasady. Degenmen Elena matchty taǵy bir breıkpen bitirdi – 6:3.

Bir saǵat 14 mınýtqa sozylǵan báseke barysynda E.Rybakına 4 eıs jasap, 7 breık-poınttyń beseýin paıdalana bildi. Qarsylasy 2 breıkten (8 breık-poınt) asa almady.

Osylaısha, M.Vondroýshovadan ese qaıtarǵan Elena Rybakına jartylaı fınalǵa shyǵý úshin álemniń 1-raketkasy, Polsha ókili Iga Shventek nemese reıtıngte 24-satydaǵy horvatııalyq Donna Vekıchtiń bireýimen talasady.

Eske sala keteıik, budan buryn Aleksandr Býblıktiń Rımde álemniń tórtinshi raketkasyna jol bergenin jazǵan bolatynbyz.

Elena Rybakına Rım masters týrnıriniń tórtinshi aınalymyna ótti.

Sondaı-aq Anna Danılına juptyq synda Rım masters týrnıriniń shırek fınalyna shyqty.