Elena Rybakına Reseıdiń eń úzdik tennısshisinen basym tústi

MONREAL. Qazaqstandyq tennısshi Elena Rybakına Monrealda (Kanada) ótip jatqan WTA 1000 týrnıriniń 1/8 fınaldyq kezdesýin ótkizdi, dep habarlaıdy QazAqparat Sports.kz saıtyna silteme jasap.

Álemniń tórtinshi raketkasy Rybakına jartylaı fınaldyń joldamasy úshin reseılik eń myqty tennısshi, álemdik reıtıngte 14-shi nómirli Darıa Kasatkınamen qarsylasty. Birinshi sette Kasatkına jeńiske jetti, esep – 7:5, ekinshi oıynda Rybakına eki ret (1:3 jáne 3:4-ten) sheberlik tanytyp, 7:5 esebimen basymdyqqa ıe boldy. Úshinshi sette barlyǵy Rybakınanyń paıdasyna taı-breıkte sheshildi – 7:6 (10:8). Matchtyń uzaqtyǵy shamamen úsh jarym saǵatqa sozyldy.

Eske salaıyq, buǵan deıin týrnırde Elena Rybakına US Open-2017 jeńimpazy amerıkalyq Sloýn Stıvensti op-ońaı alańnan shettetken bolatyn.

Shırek fınalda Rybakına taǵy bir reseılik áıel Lıýdmıla Samsonovamen (WTA №18) oınaıdy, ol buǵan deıin shveıtsarııalyq Belında Benchıchti týrnırde jeńgen edi.