Elena Rybakına Prezıdentke kitap syılady

ASTANA. QazAqparat – Álemniń 7-inshi, Qazaqstannyń 1-raketkasy Elena Rybakına Prezıdent Qasym-Jomart Toqaevqa Wimbledon-2022 kitabyn syıǵa tartty, dep habarlaıdy QazAqparat.

Kitaptyń alǵashqy betine tennısshi «Qasym-Jomart Kemeluly Toqaevqa Elena Rybakınadan. Astana. 13.04.2023» dep qalammen jazdy.

Wimbledon-2022 avtorlary – Paul Newman, Alix Ramsay.

Eske salaıyq, 2022 jyldyń shildesinde Elena Rybakına Wimbledon týrnıriniń jeńimpazy boldy.

Tennısshini tarıhı jeńisimen alǵashqylardyń biri bolyp Memleket basshysy Qasym-Jomart Toqaev quttyqtady.

Búgin E.Rybakınany QR Prezıdenti Aqordada qabyldady.

«Búgin Memleket basshysymen kezdesýde boldym. Árıne, tańerteń óte qobaljýly edim. Degenmen, jalpy bári de jaqsy ótti. Ózimniń aldaǵy josparlarymmen, týrnırler týraly aqparatpen bólistim. Erteń Qazaqstanda, osy astanada óner kórsetemiz. Barshańyzdy kórgenime qýanyshty bolamyn. Árıne, jaqsy óner kórsetip, jeńiske jetemin dep úmittenemin. Munan keıin de búkil komandamyzben birge jarqyn jeńisterimizben qýanta beremiz», - dedi Elena Rybakına Memleket basshysynyń qabyldaýynan keıingi brıfıngide.