Elena Rybakına men ıÝlııa Pýtıntseva Monreal masters týrnırinde baq synaıdy

ORAL. QazAqparat – Monreal qalasynda 7-13 tamyz aralyǵynda ótetin WTA 1000 týrnıriniń jerebesi tartyldy, dep habarlaıdy QazAqparat tilshisi.

Qazaqstannyń kóshbasshy tennısshisi, týrnırdiń úshinshi raketkasy Elena Rybakına jarysty ekinshi aınalymnan bastaıdy.

E.Rybakına ekinshi aınalymda álemniń 20-raketkasy, latvııalyq Elena Ostapenko nemese reıtıngte 1056-orynda turǵan amerıkalyq Djennıfer Bredıdiń bireýimen sheberlik baıqasady.

Álemniń birinshi jáne ekinshi raketkalary, Polsha ókili Iga Shventek pen belorýssııalyq Arına Sobolenko da osy masters dodasynda baq synaıdy.

Qazaqstannyń ekinshi, álemniń 60-raketkasy ıÝlııa Pýtıntseva irikteý saıystarynan ótýge tyrysady. Ol erteń reıtıngte 860-satydaǵy kanadalyq Mııa Kýprespen kezdesedi. M.Kýpersti jeńse, irikteý saıystarynyń fınalynda qos aýstralııalyq, álemniń 114-raketkasy Kımberlı Bırrel nemese reıtıngte 163-satydaǵy Darıa Sevılldiń bireýimen jolyǵady.

Eske sala keteıik, budan buryn Aleksandr Nedovesovtiń Aýstralııadaǵy jarystyń fınalyna shyqqanyn jazǵan bolatynbyz.