Elena Rybakına: Men - Qazaqstan azamatymyn
«Árıne, men Qazaqstannyń azamatymyn. Azamatyqqa qatysty suraqqa buǵan deıin de jaýap bergenmin. Sońǵy 2 jyl boıy naqty esh jerde turmaımyn. Ár apta saıyn bir qonaqúıden ekinshi qonaqúıde júrmin. Odan qaldy daıyndyqta, jarysta júremin. ıAǵnı naqty turaqty mekenim joq», - dedi Elena Rybakına elordada ótken baspasóz máslıhatynda.
Sondaı-aq, tennısshi sheteldik sportshylardy tartpaı, otandyq sportshylardy daıarlaý kerek degenge qatysty oıyn ortaǵa saldy.
«Óz basym joǵaryda atalǵan oıdy qoldaımyn. Birinshiden, eger Qazaqstan bolmasa, meniń qazir kim bolatynym belgisiz. Tennıs Qazaqstan úshin jas sport túri. Osy oraıda men Qazaqstanda tennısti tanymal ete túsetin adam shyǵarmyn. Ol úshin qýanyshtymyn. Bul úlken jaýapkershilik. Men jaýapkershilikti sezinemin jáne maqtan etem», - deıdi ol.
Buǵan deıin habarlaǵanymyzdaı Ýımbldon – 2022 týrnıriniń jeńimpazy jarystan alǵan syıaqynyń bir bóligin janýarlardy qorǵaýǵa baǵyttaıtynyn málim etti.
Sondaı-aq, Elena Rybakına Qazaqstannyń atynan óner kórsetýine qatysty pikir bildirdi.
Aıta keteıik, Qazaqstannyń birinshi, álemniń 23-raketkasy Elena Rybakına Ýımbldon týrnıriniń jeńimpazy boldy.
