Elena Rybakına men Aleksandr Býblık Eýropadaǵy týrnırlerdi sátti bastady
NUR-SULTAN. QazAqparat - Qazaqstannyń birinshi raketkalary Elena Rybakına men Aleksandr Býblık Eýropadaǵy týrnırlerdi sátti bastady, dep habarlaıdy QazAqparat tilshisi.
Álemniń 21-raketkasy E.Rybakına Hertogenbos (Nıderlandy) WTA 250 jarysynyń alǵashqy aınalymynda amerıkalyq Djeımı Lobpen kezdesti.
Qazaqstandyq tennısshi qarsylasyn 6:4, 7:5 esebimen tize búktirdi. E.Rybakına 10 eıs jasap, 10 breık-poınttyń ekeýin paıdalana bildi.
Elenanyń ekinshi aınalymdaǵy qarsylasy keıin anyqtalady.
A.Býblık jekeleı synda Shtýtgart (Germanııa) ATP 250 dodasynda bastapqy kezdesýin amerıkalyq Denıs Kýdlamen ótkizdi.
Qazaqstandyq sportshy 7:6 (7:3), 7:5 esebimen utty. Ol 12 eıspen birge 7 breık-poınttyń ekeýin múlt jibergen joq.
Aleksandr ekinshi aınalymda «Úlken dýlyǵa» týrnıriniń úsh dúrkin chempıony, ulybrıtanııalyq Endı Marreımen kúsh synasady. Bıyl ózara eki ret kezdesip, bir-birden jeńiske jetken edi.
Eske sala keteıik, budan buryn Aleksandr Býblıktiń juptyq synda Shtýtgart týrnıriniń shırek fınalyna shyqqanyn, Qazaqstannyń tennısshi qyzdarynyń Bıllı Djın Kıng kýbogynyń fınalynda oınaıtynyn jazǵan bolatynbyz.
