Elena Rybakına Maıamıde jartylaı fınaldaǵy qarsylasyn uta ala ma

ASTANA. QazAqparat – Qazaqstannyń birinshi, álemniń 7-raketkasy Elena Rybakına búgin keshke Maıamı WTA 1000 týrnırinde jartylaı fınaldyq kezdesýin ótkizedi, dep habarlaıdy QazAqparat tilshisi.

Qazaqstandyq tennısshiniń qarsylasy – álemniń 3-raketkasy, amerıkalyq Djessıka Pegýla.

Djessıka Pegýla – WTA týrnırlerinde eki márte (Vashıngton – 2019, Gvadalahara-2 – 2022) jeńiske jetken tennısshi.

Osyǵan deıin qos sportshy eki ret kezdesken. Maıamı masters jarysynda ótken jyly E.Rybakına úshinshi aınalymda D.Pegýlaǵa 3:6, 4:6 esebimen ese jibergen edi. Sondaı-aq amerıkalyq tennısshi ózi chempıon atanǵan Gvadalahara-2 dodasynda ekinshi aınalymda tartysty básekede utqan-dy – 2:6, 6:3, 7:6 (10:8).

Bul jolǵy básekeniń de aýyr bolatynyn E.Rybakına aıtty. Fınalǵa shyǵýǵa qaısysy laıyq – ony búgingi oıyn kórsetedi.

Shırek fınalda Maıamıde kútpegen nátıje tirkeldi. Álemniń 2-raketkasy, Belarýs ókili Arına Sobolenko dúnıejúzilik reıtıngte 74-orynda turǵan rýmynııalyq Sorana Kyrstıadan 4:6, 4:6 esebimen utylyp qaldy.

S.Kyrstıa fınalǵa shyǵý úshin álemniń 15-raketkasy, chehııalyq Petra Kvıtova nemese reıtıngte odan úsh saty tómen turǵan reseılik Ekatarına Aleksandrovanyń bireýimen talasady.

E.Rybakına budan buryn Indıan-Ýells masters týrnıriniń fınalynda A.Sobolenkony jeńip, chempıon atanǵan edi. Mamandar osy joly da olardyń fınalda joldary toqaılasýy múmkin ekendigin boljaǵan edi. Sobolenko jarys jolynan shyǵyp qaldy. Rybakına Pegýlany utqan jaǵdaıda fınalda basqa tennısshimen sheberlik baıqasady.

Eske sala keteıik, budan buryn Elena Rybakınanyń Maıamı masters týrnıriniń jartylaı fınalyna shyqqanyn jazǵan bolatynbyz.

Sondaı-aq Elena Rybakına Serena Ýılıamstiń tarıhı nátıjesin qaıtalady.

Elena Rybakına eıs jasaý jóninen álem tennısshileriniń kóshin bastady.

Qazaqstan jasóspirimderi álem chempıonatynyń joldamasy úshin Japonııamen talasady.

Qazaqstandyq tennısshi Ispanııadaǵy jarystyń shırek fınalyna shyqty.