Elena Rybakına Maıamıde 70-ke jýyq eıs jasap, tennıs tarıhynda rekord jasady
Atalmysh masters jarysy barysynda qazaqstandyq tennısshi barlyǵy alty kezdesý ótkizdi.
E.Rybakına reseılik Anna Kalınskaıamen oıynda 14, ıspanııalyq Paýla Badosamen básekede 12, belgııalyq Elıza Mertenspen jáne ıtalııalyq Martına Trevızanmen jekpe-jekte 10-10-nan, amerıkalyq Djessıka Pegýlamen matchta 11 jáne Petra Kvıtovamen fınalda 12, barlyǵy 69 eıske qol jetkizdi.
Osyǵan deıin masters dodasynda mundaı nátıjege eshkim jetken emes.
Marapattaý kezinde E.Rybakına ózin qoldaǵan jandardyń bárine, óz komandasyna alǵysyn bildirip, kelesi jyly Maıamıge oralatynyn aıtty.
Keıin áleýmettik jelidegi paraqshasynda: «Búgin aýyr kún boldy, ekinshi oryn, degenmen Maıamıdegi eki aptany tutastaı alǵanda, ońdy ózgeris kóp. Barlyǵyna qoldaǵany úshin myń alǵys. Endi azdap demalǵannan keıin topyraq tósenishindegi maýsymǵa daıyndalatyn bolamyn», dep jazdy.
Eske sala keteıik, budan buryn tennısshi Jibek Qulambaevanyń Túrkııadaǵy jarystyń jeńimpazy atanǵanyn jazǵan bolatynbyz.
Sondaı-aq Elena Rybakına Maıamı týrnıriniń fınalynda jeńilip qaldy.
Maıamı týrnıriniń fınalısi Elena Rybakına qansha tabys tapqany belgili boldy.
