Elena Rybakına Maıamı masters týrnıriniń fınalynda jeńilip qaldy
ASTANA. QazAqparat – Qazaqstannyń birinshi, álemniń 7-raketkasy Elena Rybakına Maıamı WTA 1000 týrnıriniń fınalynda qarsylasyna ese jiberdi, dep habarlaıdy QazAqparat tilshisi.
Qazaqstandyq tennısshi fınalda álemniń 12-raketkasy, chehııalyq Petra Kvıtovamen sheberlik baıqasty.
Qarsylastar osyǵan deıin eki márte kezdesip, bir-birden jeńiske jetken edi.
Bul joly birinshi partııada esep 4:4 bolǵan mezette chehııalyq tennısshi breık jasap ketkenimen, Elena sol boıda tarazy basyn teńestirdi – 5:5. Asa tartysty ótken taı-breıkte ol bes set-poıntty paıdalana almady – 6:7 (14:16). Bir saǵat 6 mınýtqa sozylǵan birinshi settiń ózinde E.Rybakına 10 eıs jasap úlgerdi.
Ekinshi sette P.Kvıtova breıkpen alǵa ketti – 2:0. Aqyry ol matchty taǵy bir breıkpen túıindedi – 6:2.
Osylaısha, Elena Rybakına Maıamı masters jarysynyń fınalynda jeńilis tapty.
Bir saǵat 42 mınýtqa sozylǵan báseke barysynda qazaqstandyq tennısshi 12 eıs jasap, 2 breık-poınttyń bireýin óz esebine jazdy. Qarsylasy 5 eıs, 3 breıkpen (8 breık-poınt) kózge tústi.
Eske sala keteıik, budan buryn Elena Rybakınanyń Maıamı fınalyndaǵy qarsylasy anyqtalǵanyn jazǵan bolatynbyz.
Sondaı-aq Elena Rybakına bir jylda úsh birdeı iri jarystyń fınalyna shyqqan altynshy tennısshi atandy.
Tennısshi Jibek Qulambaeva Túrkııadaǵy jarystyń jeńimpazy atandy.
