Elena Rybakına Madrıd masters týrnıriniń úshinshi aınalymyna shyǵa almady
Qazaqstandyq tennısshi ekinshi aınalymda álemniń 62-raketkasy, reseılik Anna Kalınskaıamen sheberlik baıqasty.
Osyǵan deıin qarsylastar eki márte kezdesip, bir-birden jeńiske jetken edi. Bıyl Maıamı masters jarysynyń ekinshi aınalymynda E.Rybakına A.Kalınskaıany tartysty básekede 7:5, 4:6, 6:3 esebimen utqan bolatyn.
Bul joly birinshi partııada esep 5:5 bolǵan mezette reseılik sportshy breık jasap, óz geımin de aldy – 7:5.
Ekinshi sette esep 2:2 bolǵanda, tennısshiler breıkpen almasty. Bul partııany Elena taǵy bir breıkpen bitirdi – 6:4.
Úshinshi, sheshýshi partııany E.Rybakına sátsiz bastady – 0:2. A.Kalınskaıa taǵy bir breık jasap, esepti 5:1-ge jetkizdi. Sodan keıin matchqa dop bergende, óz múmkindigin jibergen joq – 6:2.
Eki saǵat 14 mınýtqa sozylǵan báseke barysynda E.Rybakına 10 eıs jasap, 12 breık-poınttyń ekeýin ǵana paıdalana aldy. Reseılik sportshy 9 eıs, 4 breıkpen (9 breık-poınt) kózge tústi.
A.Kalınskaıa úshinshi aınalymda álemniń 33-raketkasy, horvatııalyq Petra Martıch nemese reıtıngte 128-orynda turǵan germanııalyq Laýra Zıgemýndtyń bireýimen kezdesedi.
E.Rybakına ótken jyly Madrıd masters jarysynyń úshinshi aınalymyna deıin jetken edi. Bıyl sol jetistigin qaıtalaı almaı, upaılaryn da joǵaltty.
Eske sala keteıik, budan buryn Elena Rybakınanyń juptyq synda Madrıd masters týrnıriniń ekinshi aınalymyna shyqqanyn jazǵan bolatynbyz.
Sondaı-aq ıÝlııa Pýtıntseva Madrıdte álemniń besinshi raketkasyna jol berdi.
Sergeı Kvak álem chempıonatyna joldama alý úshin baryn salatynyn aıtty.
