Elena Rybakına Qytaıdaǵy Shenchjen týrnıriniń jartylaı fınalyna shyqty
Qazirgi kezde dúnıejúzilik reıtıngte 36-orynda turǵan E.Rybakına ekinshi aınalymda álemniń 17-inshi, osy jarystyń 3-raketkasy, belgııalyq Elıza Mertenspen kúsh synasty.
Birinshi partııada aldymen breık jasaǵan belgııalyq sportshy alǵa shyqty – 2:1. Budan keıin qazaqstandyq sportshy qatarynan tórt geımdi aldy – 5:2. E.Mertens esepti qysqartqanymen, E.Rybakına taǵy bir breıkke qol jetkizdi – 6:4.
Ekinshi sette E.Mertens 4:0 esebimen alǵa ketti. E.Rybakına esepti qysqarta aldy – 3:4. Biraq belgııalyq tennısshi bosańsı qoıǵan joq – 6:4.
Úshinshi, sheshýshi partııada E.Rybakına breık jasap, basymdyq tanyta aldy – 4:1. Sodan keıin matchty taǵy bir breıkpen túıindedi – 6:2.
Báseke 1 saǵat 57 mınýtqa sozyldy.
E.Rybakına fınalǵa shyǵý úshin ýkraınalyq Katerına Bondarenko nemese chehııalyq Krıstına Plıshkovanyń bireýimen talasady.
Bir atap ótetin jaıt, 20 jasar E.Rybakına aldaǵy dúısenbi kúni jańartylatyn dúnıejúzilik reıtıng boıynsha Qazaqstannyń birinshi raketkasy atanady.
Eske sala keteıik, budan buryn Zarına Dııastyń Shenchjen týrnıriniń jartylaı fınalyna shyǵa almaǵanyn jazǵan bolatynbyz.