Elena Rybakına qazir qandaı týrnırlerge daıyndyq ústinde

ASTANA. QazAqparat – Qazaqstannyń birinshi, álemniń jetinshi raketkasy Elena Rybakına álemdik deńgeıdegi birneshe týrnırge daıyndalyp jatyr. Ol týraly sportshy «Jibek Joly» telearnasyna bergen eksklıýzıvti suhbatynda málim etti, dep habarlaıdy QazAqparat tilshisi.

«Qazir jospar boıynsha Shtýtgart týrnıri tur. Odan ári Rımdegi, Madrıdtegi iri týrnırler jáne Úlken Dýlyǵa kútýde», - dep qysqa qaıyrdy Elena Rybakına.

Odan ári tilshisi qazaqstandyq tennısshiden sporttan tys ýaqytta nemen shuǵyldanatynyn surady.

«Men sporttan tys kóp dúnıemen aınalysamyn dep aıta almaımyn. Óıtkeni, ýaqyt az. Bos ýaqytym otbasymmen ótedi. Múmkindiginshe jaqyndarymmen birge bolýǵa tyrysamyn», - deıdi sportshy.

Aıta keteıik, búgin Memleket basshysy Elena Rybakınany qabyldady.

Tennısshi málim etkendeı, Qasym-Jomart Toqaev tennısshi Elena Rybakınaǵa oramal men saǵat syılaǵan.

Odan bólek, sportshy qazaqstandyq jankúıerlerdiń erekshe qoldaý kórsetetinin aıtyp ótti.