Elena Rybakına qazaqstandyq jankúıerler týraly: kútpegen qoldaý boldy
«Qazaqstanda alǵash oınaǵanda korttaǵy atmosfera men qoldaý óte joǵary, men kútpegen qoldaý boldy. Ol meniń úıdegi alǵashqy matchym edi. Endi tájirıbe bar, korttaǵy oıyn ońaıyraq bolady. Árıne, jankúıerler matchtarda meniń óte sabyrly ekenime qaramastan, joǵary deńgeıde qoldap, dem beredi. Jankúıerlerdiń qoldaýy qıyn sátterde kómektesedi jáne qoldaýdy qabyldaýǵa árqashan qýanyshtymyn», - dedi Elena Rybakına elordada tennısten «Bıllı Djın Kıng» kýbogine oraı ótken baspasóz máslıhatynda.
Aıta keteıik, búgin Memleket basshysy Elena Rybakınany qabyldady.
Kezdesý barysynda tennısshi Prezıdentke Wimbledon-2022 kitabyn syıǵa tartqanyn jazǵan edik.
Elena Rybakına Memleket basshysynyń tennısshige oramal men saǵat syılaǵanyn aıtty.
«Kezdesý jaqsy ótti. Árıne, tańerteńnen qobaljydym. Jalpy bári oıdaǵydaı ótti. Prezıdentpen óz josparlarymmen bólisip, aldaǵy matchtar týraly sóılestim. Memleket basshysy meni tennıstegi nátıjelerimmen quttyqtady. Prezıdentten syılyq aldym, saǵat jáne oramal», - dedi Elena Rybakına Prezıdentpen kezdesý sátinen keıingi áserimen bólise otyryp.
