Elena Rybakına qazaqstandyq tennısshilerden alǵash ret TOP-10-ǵa enýge jaqyn tur

ASTANA. QazAqparat – Aýstralııa ashyq chempıonatynyń jartylaı fınalyna shyqqan Qazaqstannyń birinshi raketkasy Elena Rybakına qazaqstandyq tennısshilerden alǵash ret jekeleı synda álemdik reıtıngide TOP-10-ǵa enýge jaqyn tur, dep habarlaıdy QazAqparat tilshisi.

Dál qazirgi sátte qazaqstandyq tennısshi 25-ten 12-orynǵa kóterildi.

Ol budan bir jyl buryn 12-satyǵa shyqqan edi, ıaǵnı úzdik kórsetkishin qaıtalap otyr.

Eger E.Rybakına fınalǵa shyqsa, onda úzdik ondyqqa kiredi. Buryn-sońdy qazaqstandyq tennısshiler mundaı bıikke shyǵyp kórgen emes. Negizi ózi jeńimpaz atanǵan Ýımbldon týrnıriniń reıtıngilik upaılary eseptelgende, Elena ótken jyly-aq úzdik ondyqqa enetin edi.

Eske sala keteıik, budan buryn Aýstralııa chempıonatynda Elena Rybakınanyń alǵash ret jartylaı fınalǵa shyqqanyn jazǵan edik.

Foto: Shampionat.com