Elena Rybakına Qazaqstan – Germanııa matchynda esepti 2:0-ge jetkizdi
NUR-SULTAN. QazAqparat – Elordada Bıllı Djın Kıng kýbogy aıasynda ótip jatqan Qazaqstan – Germanııa matchynda Elena Rybakına esepti 2:0-ge jetkizdi, dep habarlaıdy QazAqparat tilshisi.
Qazaqstannyń birinshi, álemniń 19-raketkasy E.Rybakına dúnıejúzilik reıtıngte 232-orynda turǵan Laýra Zıgemýndpen synǵa tústi.
E.Rybakına 22 jasta bolsa, germanııalyq tennısshi 34-te. Osyǵan deıin qarsylastar úsh márte kezdesip, sonyń ekeýinde qazaqstandyq tennısshi jeńgen edi.
Bul joly E.Rybakına birinshi partııada L.Zıgemýndqa birde-bir geım bermeı, 22 mınýtta 6:0 esebimen tize búktirdi.
Ekinshi setti germanııalyq sportshy breıkpen bastaǵanymen, Elena tarazy basyn tarazy basyn sol boıda teńestirip qana qoımaı, esepti 5:1-ge jetkizdi.
Sosyn matchqa dop bergende qarqynyn báseńdetken joq - 6:1.
Osylaısha, esep – 2:0, Qazaqstannyń paıdasynda.
Qazaqstan – Germanııa matchy erteń jalǵasady. Qazaqstandyqtarǵa qalǵan kezdesýlerde bir upaı alsa, jetip jatyr. Óz tarıhynda alǵash ret Bıllı Djın Kıng kýbogynyń fınaldyq kezeńine joldama alady.
Eske sala keteıik, budan buryn búgin Qazaqstan – Germanııa matchynda ıÝlııa Pýtıntsevanyń Qazaqstandy alǵa shyǵarǵanyn jazǵan bolatynbyz.
