Elena Rybakına federatsııa syıaqysyn alýdan bas tartty

NUR-SULTAN. QazAqparat – Ýımbldon chempıony Elena Rybakına týrnırdegi jeńisi úshin beriletin Qazaqstan tennıs federatsııasynyń syıaqysyn alýdan bas tartty. Bul týraly federatsııa vıtse-prezıdenti ıÝrıı Polskıı málimdedi, dep habarlaıdy QazAqparat tilshisi.

Aıtýynsha, federatsııa tennısshini qarjylaı qoldaǵysy kelgen. Alaıda, ol budan bas tartyp, qarjyny qaıyrymdylyqqa jáne Qazaqstannyń jas tennısshilerin qoldaýǵa jumsaǵysy keletinin jetkizdi.

«Federatsııaǵa qazirdiń ózinde óz balalaryn tennıske bergisi keletin ata-analardan ótinish kóptep túsip jatyr. Elde úlken serpilis paıda boldy. Bul tennıstiń jańa qarqynmen damýyna jol ashpaq», - dedi ıÝ. Polskıı.

Eske sala keteıik, budan buryn Bolat Ótemuratovtyń Elena Rybakınanyń jarqyn jeńisteri alda ekeni týraly aıtqanyn jazǵan bolatynbyz.

Sondaı-aq, Elena Rybakına úıge - Qazaqstanǵa qaıtatynyn jetkizdi .

Foto: wimbledon.com