Elena Rybakına Dýbaıdaǵy týrnırde óner kórsetedi

ASTANA. QazAqparat - Qazaqstannyń birinshi raketkasy Elena Rybakına Dýbaıda (BAÁ) 19-24 jeltoqsanda ótetin World Tennis League týrnırinde oınaıdy, dep habarlaıdy QazAqparat tilshisi.

Qazaqstan tennıs federatsııasynan málim etkenindeı, jarysta tórt topqa («Búrkitter», «Suńqarlar», «Qarshyǵalar», «Áýe jylandary») bólingen 18 oıynshy óner kórsetedi.

Ýımbldon chempıony E.Rybakına «Qarshyǵalar» tobynda germanııalyq Aleksandr Zverev, aýstrııalyq Domınık Tım jáne estonııalyq Anett Kontaveıtpen birge oınaıdy.

Barlyq top bir-birimen kezdesedi. Eń úzdik eki top fınalda kim myqtyny anyqtaıdy. Ár báseke úsh oıynnan turady, bireýi erler, ekinshisi áıelder arasynda, úshinshisi aralas jupta (mıkst) bolady.

E.Rybakına 20 jeltoqsanda álemniń besinshi raketkasy, Belarýs ókili Arına Sobolenkomen synǵa túsedi. 22-sinde Rybakına Zverevpen birge kanadalyqtar Felıks Oje-Alıassım - Ejenı Býsharmen kortqa shyǵady. 23 jeltoqsan kúni Elena álemniń 4-raketkasy, frantsııalyq Karolın Garsııamen sheberlik baıqasady.

Eske sala keteıik, budan buryn Qazaqstannyń úzdik tennıs bapkerleri marapattalǵanyn jazǵan bolatynbyz.

Foto: ktf.kz