Elena Rybakına Dýbaıda jaraqatyna baılanysty jarys jolynan shyǵyp qaldy
ASTANA. QazAqparat - Qazaqstannyń birinshi, álemniń 10-raketkasy Elena Rybakına Dýbaı WTA 1000 týrnıriniń shırek fınalyna shyǵa almady, dep habarlaıdy QazAqparat tilshisi.
Qazaqstan tennıs federatsııasynan málim etkenindeı, E.Rybakına búgin úshinshi aınalymda álemniń 6-raketkasy, amerıkalyq Koko Gaýfpen kezdesýi kerek edi.
Alaıda qazaqstandyq tennısshi arqa jaraqatyna baılanysty jarysty jalǵastyrýdan bas tartty.
Osylaısha, K.Gaýff oınamastan shırek fınalǵa ótti.
E.Rybakına sondaı-aq reseılik Anastasııa Pavlıýchenkovamen birge juptyq syndaǵy matchtan syrt qaldy. Endi qazaqstandyq tennısshi naýryz aıynda AQSh-ta ótetin masters jarystarynda baq synaıdy.
Eske sala keteıik, budan buryn Elena Rybakınanyń Dýbaıda AQSh chempıonyn utqanyn jazǵan bolatynbyz.
Sondaı-aq Elena Rybakına Dýbaı jarǵysynyń úshinshi aınalymyna ótti.
Foto: sports.kz
