Elena Rybakına Dýbaıda álemniń besinshi raketkasyn utty
ASTANA. QazAqparat – Qazaqstandyq Elena Rybakına Dýbaıda (BAÁ) ótip jatqan World Tennis League komandalyq týrnıriniń toptyq kezeńinde álemniń 5-raketkasy, Belarýs ókili Arına Sobolenkony utty, dep habarlaıdy QazAqparat tilshisi.
«Qarshyǵalar» tobynda óner kórsetetin E.Rybakına «Suńqarlar» sapynda shyqqan qarsylasyn 0:6, 6:1, 10:6 esebimen tize búktirdi.
Bir saǵatqa jýyq ýaqytqa sozylǵan matchta qazaqstandyq tennısshi 6 eıs jasap, 4 breık-poınttyń ekeýin paıdalandy. A.Sobolenko 2 eıs, 3 breıkpen kózge tústi.
Endi E.Rybakına germanııalyq Aleksandr Zverevpen birge 22 jeltoqsanda aralas synda kanadalyqtar Felıks Oje-Alıassım – Ejenı Býsharmen kezdesedi.
Eske sala keteıik, budan buryn Elena Rybakınanyń Dýbaıdaǵy týrnırde óner kórsetetinin jazǵan bolatynbyz.
