Elena Rybakına Dýbaıda AQSh chempıonyn joldan taıdyrdy
Jarystyń 9-raketkasy bolyp tirkelgen qazaqstandyq tennısshi alǵashqy aınalymda qazirgi kezde dúnıejúzilik reıtıngte 36-orynda turǵan kanadalyq, 2019 jylǵy AQSh chempıony Bıanka Andreeskýmen sheberlik baıqasty.
Osyǵan deıin qarsylastar bir ret kezdesip, ótken jyly E.Rybakına Ýımbldonda B.Andreeskýdi 6:4 7:6 (7:5) esebimen utqan edi. Oǵan qosa bıyl kanadalyq sportshy Ábý-Dabıde taǵy bir qazaqstandyq ıÝlııa Pýtıntsevaǵa jol bergen-di.
Bul joly Elena match basynda breıkpen alǵa ketti – 3:0. Partııa bitkenshe sol basymdylyǵyn saqtady – 6:3.
Esesine ekinshisinde B.Andreeský breıkpen alǵa shyqty – 3:1. Degenmen qazaqstandyq tennısshi tarazy basyn teńestirdi – 4:4. Taǵy bir breık – 5:4. Sodan keıin matchqa dop bergende, óz múmkindigin jibergen joq – 6:4.
Saǵat jarymnan astam ýaqytqa sozylǵan báseke barysynda E.Rybakına 6 eıs jasap, 7 breık-poınttyń tórteýin paıdalandy. Qarsylasy 2 eıs, 2 breıkpen (6 breık-poınt) kózge tústi.
E.Rybakına ekinshi aınalymda álemniń 26-raketkasy, chehııalyq Marııa Boýzkovamen kezdesedi. Ol bastapqy kezdesýinde 2020 jylǵy Aýstralııa chempıony, amerıkalyq Sofııa Kenındi ońaı utty – 6:1, 6:1.
Eske sala keteıik, budan buryn Elena Rybakınanyń juptyq synda Dýbaı týrnırin sátti bastaǵanyn jazǵan bolatynbyz.
Sondaı-aq qazaqstandyq tennısshilerdiń álemdik reıtıngtegi oryndary belgili boldy.
Qazaqstandyq jas tennısshi Pákstandaǵy týrnırde chempıon atandy.
ıÝlııa Pýtıntseva Dýbaı týrnıriniń ekinshi aınalymyna shyqty.
Aleksandr Býblık Marsel týrnırin jeńispen bastady.
