Elena Rybakına Doha týrnırine qatyspaıtyn boldy

ASTANA. QazAqparat – Qazaqstannyń birinshi, álemniń 10-raketkasy Elena Rybakına 13-18 aqpanda Katar astanasy Dohada ótetin Qatar Open týrnırine qatyspaıtyn boldy, dep habarlaıdy QazAqparat tilshisi.

Qazaqstandyq tennısshi qazirgi kezde álemdik reıtıngte 10-orynda turǵanymen, Qatar jarysy odan buryn josparlanǵandyqtan, dodany irikteý saıysynan bastaýy tıis edi.

E.Rybakınanyń atalmysh týrnırge qatyspaıtyny týraly jýrnalıst Reem Abýllel Tvıtterdegi paraqshasynda jazdy.

Jýrnalıst Elenanyń: «Ókinishke qaraı, Dohaǵa barmaımyn. Kelesi jyly oǵan oralýdy asyǵa kútemin, bul joly onda bolmaımyn. Kestege sáıkes bulaı saıahattaı berý ońaı emes. Men shynynda da Melbýrnda jaqsy oınadym. Sondyqtan aldaǵy aptada jaı demalyp, kelesi týrnırge daıyndalamyn», degen sózin keltirgen.

Qazirgi tańda E.Rybakına Ábý-Dabı WTA jarysynda óner kórsetýde. Búgin ol keshkisin álemniń 14-raketkasy, brazılııalyq Beatrıs Haddad Maııamen jartylaı fınal joldamasyn sarapqa salady.

Eske sala keteıik, budan buryn qazaqstandyq jas tennısshilerdiń álemdik reıtıngte oryndaryn jaqsartqanyn jazǵan bolatynbyz.

Sondaı-aq Elena Rybakına Ábý-Dabı týrnıriniń shırek fınalyna shyqty.

ıÝlııa Pýtıntseva Ábý-Dabı týrnıriniń shırek fınalyna shyǵa almady.

Devıs kýboginde Qazaqstan quramasy syrt alańda Bolgarııamen kezdesedi.

Foto – Qazaqstan tennıs federatsııasy