Elena Rybakına Tsıntsınnatıde «Úlken dýlyǵa» týrnıriniń eki dúrkin chempıonyn utty
NUR-SULTAN. QazAqparat - Qazaqstannyń birinshi, álemniń 25-raketkasy Elena Rybakına Tsıntsınnatı (AQSh) WTA 1000 týrnıriniń úshinshi aınalymyna shyqty, dep habarlaıdy QazAqparat tilshisi.
Qazaqstandyq tennısshi ekinshi aınalymda álemniń 9-raketkasy, «Úlken dýlyǵa» jarystarynyń (Rolan Garros - 2016, Ýımbldon - 2017) eki dúrkin chempıony, ıspanııalyq Garbıne Mýgýrýsamen sheberlik baıqasty.
Qarsylastar osyǵan deıin eki ret kezdesip, bir-birden jeńiske jetken edi.
Bul joly Ýımbldon dodasynyń bıylǵy jeńimpazy E.Rybakına birinshi partııada 5:1 esebimen alǵa ketti. G.Mýgýrýsa bir breık jasaǵanymen, Elena setti óz paıdasyna sheshti - 6:3.
Ekinshi partııada da Rybakına 3:1 esebimen alǵa shyqty. Taǵy bir breık - 4:1. Aqyry matchty taǵy bir breıkpen támamdady - 6:1.
Elena Rybakına úshinshi aınalymda álemniń 29-raketkasy, amerıkalyq Elıson Rıskemen kortqa shyǵady. Jýyrda dál osyndaı Toronto týrnırinde E.Rıskeni ıÝlııa Pýtıntseva utqan edi.
Eske sala keteıik, budan buryn Devıs kýboginde Qazaqstanmen oınaıtyn komandalardyń quramy anyqtalǵanyn jazǵan bolatynbyz.
Sondaı-aq Qazaqstanda alǵash ret múgedek arbasyndaǵy tennısten el chempıonaty ótedi.
