Elena Rybakına Tsıntsınnatıde sheshýshi match ótkizedi

ASTANA. QazAqparat – Qazaqstandyq tennısshi Elena Rybakına (WTA reıtınginde 4-oryn) AQSh-tyń Tsıntsınnatı qalasynda ótip jatqan týrnırdiń ekinshi aınalymynda latvııalyq Elena Ostapenkomen (20-oryn) oınaıdy, dep habarlaıdy QazAqparat tilshisi Sports.kz portalyna silteme jasap.

Rybakına men Ostapenko buǵan deıin bir-birimen tórt ret oınap, ázirge eń kim myqtyny anyqtaı almaı keledi – eki tennısshi de eki retten jeńiske jetken, esep - 2:2. Alaıda Rybakınanyń sońǵy eki matchta jeńiske jetkenin atap ótken jón. Onyń ekeýi de bıyl boldy: ol aldymen Australian Open-de – 6:2, 6:4, sodan keıin – Rımdegi «Masterste» 6:2, 6:4 esebimen utqan.

Ostapenkonyń jetistikterine keletin bolsaq, ol qazaqstandyq tennısshiden 2019 jyly Lıntste 7:5, 6:1 jáne 2021 jyly Istbornda 6:4, 6:1 esebimen basym túsken bolatyn. Osylaısha, Elena Rybakına men Elena Ostapenko kezdesýiniń jeńimpazy 16 tamyz kúni anyqtalady.