Elena Rybakına Tsıntsınnatı týrnıriniń jartylaı fınalyna óte almady
Qazaqstandyq tennısshi shırek fınalda dúnıejúzilik reıtıngte 24-orynda turǵan amerıkalyq Medıson Kızben sheberlik baıqasty.
Qarsylastar buǵan deıin bıyl mamyrda Rolan Garros jarysynda jolyǵysyp, amerıkalyq sportshy jeńiske jetken edi.
Tsıntsınnatıde M.Kız áýeli ıÝlııa Pýtıntsevany joldan taıdyryp, úshinshi aınalymda álemniń 1-raketkasy, Polsha ókili Iga Sventektiń saǵyn syndyrǵan edi.
M.Kız bul kezdesýde birinshi partııada qos breıkpen basymdylyq kórsetti – 6:2. Ol ekinshi sette de 5:2 esebimen alǵa ketti. Budan keıin E.Rybakına breık jasap, esepti qysqartty. Biraq Medıson ekinshi ret matchqa dop bergende, óz múmkindigin jibergen joq – 6:4.
Saǵat jarymǵa sozylǵan báseke barysynda M.Kız 2 eıs jasap, 13 breık-poınttyń beseýin paıdalandy. E.Rybakına ádette kóp eıs jasaıtyn edi. Bul matchta bir-aq eıspen shektelip, 5 breık-poınttyń ekeýin óz esebine jazdy.
M.Kız fınalǵa shyǵý úshin chehııalyq Petra Kvıtova nemese aýstralııalyq Aıla Tomlıanovıchtiń bireýimen talasady.
Jalpy, Elena Rybakına úshin Tsıntsınnatı dodasy sátsiz bolǵan joq. Alǵash ret shırek fınalǵa deıin jetti. Endigi maqsat – AQSh ashyq chempıonatynda tabysty óner kórsetý.
Eske sala keteıik, budan buryn Elena Rybakınanyń alǵash ret Tsıntsınnatı týrnıriniń shırek fınalyna shyqqanyn jazǵan bolatynbyz.
Sondaı-aq Anna Danılına Tsıntsınnatı týrnıriniń shırek fınalyna shyqty.
