Elena Rybakına Tsıntsınnatı týrnırin sátti bastady
NUR-SULTAN. QazAqparat – Qazaqstannyń birinshi, álemniń 25-raketkasy Elena Rybakına Tsıntsınnatı (AQSh) WTA 1000 týrnırin sátti bastady, dep habarlaıdy QazAqparat tilshisi.
Qazaqstandyq tennısshi alǵashqy aınalymda dúnıejúzilik reıtıngte 58-orynda turǵan mysyrlyq Maıar Sherıfpen sheberlik baıqasty.
E.Rybakına 6:3, 6:2 esebimen jeńiske jetti.
Bir saǵat 11 mınýtqa sozylǵan báseke barysynda qazaqstandyq sportshy 5 eıspen birge 8 breık-poınttyń teń jartysyn paıdalana bildi. Qarsylasy 3 eıs, 1 breıkten asa almady.
Elena Rybakına ekinshi aınalymda álemniń burynǵy birinshi, qazirgi 9-raketkasy, «Úlken dýlyǵa» týrnırleriniń eki márte jeńimpazy, ıspanııalyq Garbıne Mýgýrýsamen kezdesedi.
Taǵy bir qazaqstandyq, reıtıngte 38-oryndaǵy ıÝlııa Pýtıntseva birinshi aınalymda álemniń 24-raketkasy, amerıkalyq Medıson Kızben oınaıdy.
Júlde qory 2,5 mln AQSh dollarynan asatyn Tsıntsınnatı jarysy 21 tamyzda márege jetedi. Ótken jyly munda bıyl tennıspen qosh aıtysqan álemniń burynǵy 1-raketkasy, aýstralııalyq Eshlı Bartı úzdik shyqqan bolatyn.
Eske sala keteıik, budan buryn Anna Danılınanyń AQSh-taǵy týrnırdiń chempıony atanǵanyn, Elena Rybakınanyń álemdegi úzdik 25 tennısshiniń qataryna qaıta kirgenin jazǵan bolatynbyz.
Sondaı-aq qazaqstandyq tennısshi Grýzııadaǵy jarysta úzdik shyqty.
