Elena Rybakına Chehııada álemniń 17-raketkasyn jeńdi

ASTANA. QazAqparat - Qazaqstannyń birinshi, álemniń 26-raketkasy Elena Rybakına Ostrava (Chehııa) WTA 500 týrnıriniń ekinshi aınalymyna shyqty, dep habarlaıdy QazAqparat tilshisi.

Qazaqstandyq tennısshi bastapqy kezdesýin álemniń 17-raketkasy, amerıkalyq Medıson Kızben ótkizdi.

Bıyl AQSh-taǵy Tsıntsınnatı jarysynda M. Kız Elenany 6:2, 6:4 esebimen utqan bolatyn.

Bul joly birinshi partııada amerıkalyq sportshy basymdylyq tanytty - 7:5.

Esesine ekinshi sette E. Rybakına oıyn tizginin óz qolyna aldy - 6:3.

Sodan keıin úshinshi, sheshýshi partııada da Kızdi tyǵyryqqa tireı bildi - 6:3.

Eki saǵat 15 mınýtqa sozylǵan tartysty báseke barysynda Elena 7 eıs jasap, 14 breık-poınttyń beseýin paıdalandy. Qarsylasy 2 eıs, 3 breıkpen kózge tústi.

E. Rybakına shırek fınalǵa shyǵý úshin álemniń 16-raketkasy, latvııalyq Elena Ostapenko nemese reıtıngide 31-satydaǵy Belarýs ókili Aleksandra Sasnovıchtiń bireýimen talasady.

Júlde qory 611 210 eýroǵa baǵalanǵan jarys 9 qazanda márege jetedi.

Eske sala keteıik, budan buryn Elena Rybakınanyń álemdik reıtıngide bir satyǵa tómendegenin jazǵan bolatynbyz.

Sondaı-aq, qazaqstandyq tennısshi álemdik reıtıngide TOP-200-ge jýyqtady .

Ataqty tennısshi Novak Djokovıch Astanaǵa ushyp keldi.

Foto: sports.kz