Elena Rybakına bir jylda úsh birdeı iri jarystyń fınalyna shyqqan altynshy tennısshi atandy
ASTANA. QazAqparat – Qazaqstannyń birinshi, álemniń 7-raketkasy Elena Rybakına bir jylda Aýstralııa ashyq chempıonaty, Indıan-Ýells jáne Maıamı týrnıriniń fınalyna shyqqan altynshy tennısshi atandy, dep habarlaıdy QazAqparat tilshisi.
OptaAce saıtynan alynǵan málimetke qaraǵanda, Elena Rybakına ataqty tennısshiler Monıka Selesh, Shteffı Graf, Lındsı Devenport, Martına Hıngıs jáne Marııa Sharapovanyń biregeı jetistigin qaıtalap otyr.
Atap aıtqanda, Monıka Selesh 1991, Shteffı Graf 1994, Martına Hıngıs pen Lındsı Devenport 2000, Marııa Sharapova 2012 jyly Aýstralııa ashyq chempıonaty, Indıan-Ýells, Maıamı jarystarynyń fınalyna shyqqan edi.
Elena Rybakınanyń chehııalyq Petra Kvıtovamen Maıamıdegi fınaldyq matchy 2 sáýirge qaraǵan túnde Astana ýaqytymen saǵat 01.00-de bastalady.
Eske sala keteıik, budan buryn Elena Rybakınanyń Maıamıde álemniń úshinshi raketkasyn jeńip, fınalǵa shyqqanyn jazǵan bolatynbyz.
Sondaı-aq Elena Rybakına taı-breık pen eıs jóninen biregeı nátıjege qol jetkizdi.
Elena Rybakına tapqan tabysy jóninen álemde kósh basyna shyqty.
Elena Rybakına Maıamı týrnıriniń fınalyna shyqqanyna qýanyshty ekendigin jetkizdi.
Elena Rybakınanyń Maıamı fınalyndaǵy qarsylasy anyqtaldy.
