Elena Rybakına aıdyń úzdik oıynshysy ataǵyna usynyldy

ASTANA. QazAqparat – Relevant Tennis Twitter-akkaýnty óziniń jazylýshylaryna naýryz aıynyń qorytyndysy boıynsha álemdegi úzdik oıynshyny tańdaýdy usyndy, dep habarlaıdy QazAqparat tilshisi.

RelevantTennis málimetine qaraǵanda, úmitkerler tizimine tórt tennısshi engen.

Atap aıtqanda, álemniń 7-raketkasy, qazaqstandyq Elena Rybakına, sondaı-aq rýmynııalyq Sorana Kyrstıa (WTA reıtıngisinde 41-oryn), Belarýs ókili Arına Sobolenko (2-oryn), chehııalyq Petra Kvıtova (10-oryn) aıdyń úzdik oıynshysy ataǵynan úmitker.

Elena Rybakına naýryz aıynda Indıan-Ýells masters týrnırinde chempıon atanǵany belgili.

Sondaı-aq 2 sáýirde aıaqtalǵan Maıamı masters jarysynyń fınalyna deıin jetti.

E.Rybakına 14-15 sáýirde Astanada Bıllı Djın Kıng kýboginiń irikteý kezeńi aıasynda ótetin Qazaqstan – Polsha matchyna qatysyp, el namysyn qorǵaıdy.

Eske sala keteıik, budan buryn ıÝlııa Pýtıntsevanyń Charlstonda álemniń eks-úshinshi raketkasyn jeńgenin jazǵan bolatynbyz.

Sondaı-aq qazaqstandyq tennısshiler AQSh-taǵy jarystyń shırek fınalyna ótti.