Elena Rybakına Aýstralııadaǵy jarysta jeńilip qaldy

ASTANA. QazAqparat – Qazaqstannyń birinshi raketkasy Elena Rybakına Adelaıda-2 (Aýstralııa) WTA 500 týrnıriniń ekinshi aınalymyna shyǵa almady, dep habarlaıdy QazAqparat tilshisi.

Qazaqstandyq tennısshi álemniń 16-raketkasy, chehııalyq Petra Kvıtovamen kezdesip, 3:6, 5:7 esebimen ese jiberdi.

Saǵat jarymǵa jýyq ýaqytqa sozylǵan matchta E.Rybakına 7 eıspen ǵana kózge tústi. Qarsylasy 5 eıspen birge 3 breık-poınttyń ekeýin paıdalandy.

Qazaqstannyń erler arasyndaǵy birinshi raketkasy Aleksandr Býblık te Oklend (Jańa Zelandııaıa) ATR 250 jarysynda jeńilis tapty.

Ol alǵashqy aınalymda dúnıejúzilik reıtıngte 53-orynda turǵan belgııalyq Davıd Goffenge 3:6, 4:6 esebimen jol berdi.

Bir saǵattan astam ýaqytqa sozylǵan báseke barysynda A.Býblık 6 eıs jasap, 7 breık-poınttyń úsheýin óz esebine jazdy.

D.Goffen 1 eıspen birge 6 breık-poıntty múlt jibergen joq.

Erteń E.Rybakına men A.Býblık osy dodalarda juptyq synda óner kórsetedi. Sodan keıin Aýstralııa ashyq chempıonatyna daıyndyqty bastaıdy.

Eske sala keteıik, budan buryn ıÝlııa Pýtıntsevanyń Hobart týrnırindegi qarsylasy anyqtalǵanyn jazǵan bolatynbyz.

Sondaı-aq Aleksandr Býblık Jańa Zelandııadaǵy jarysta baq synaıdy.

Foto: ktf.kz