Elena Rybakına Aýstralııa ashyq chempıonatyn jeńispen bastady

ASTANA. QazAqparat - Qazaqstannyń birinshi, álemniń 25-raketkasy Elena Rybakına Portoroj Aýstralııa ashyq chempıonatyn jeńispen bastady, dep habarlaıdy QazAqparat tilshisi.

Osy «Úlken dýlyǵa» týrnıriniń 22-raketkasy bolyp tirkelgen E.Rybakına alǵashqy aınalymda dúnıejúzilik reıtıngte 48-orynda turǵan ıtalııalyq Elızabetta Kochcharettomen kezdesti.

Buǵan deıin qarsylastar ózara bir ret oınap, onda qazaqstandyq tennısshi jeńiske jetken edi.

Bul joly da Elena Rybakına 7:5, 6:3 esebimen utty.

Bir saǵat 20 mınýtqa sozylǵan matchta Elena 5 eıs jasap, 12 breık-poınttyń beseýin paıdalana bildi. Qarsylasy 2 eıs, 3 breıkpen shekteldi.

E.Rybakına úshinshi aınalymǵa shyǵý úshin álemniń 104-raketkasy, slovenııalyq Kaııa Iývan nemese reıtıngte 185-satydaǵy frantsııalyq Selena ıAnıchıevıchtiń bireýimen talasady.

Ótken jyly E.Rybakına bastapqyda otandasy Zarına Dııasty utqanymen, ekinshi aınalymda jeńilip qalǵan edi.

Eske sala keteıik, budan buryn Aýstralııa ashyq chempıonatynda qazaqstandyqtardan birinshi bolyp Elena Rybakınanyń kortqa shyǵatynyn jazǵan bolatynbyz.

Sondaı-aq ıÝlııa Pýtıntseva álemdik reıtıngide úzdik 50 tennısshiniń qataryna kirdi.