Elena Rybakına «Altyn adam» syılyǵynyń laýreaty atandy
Qazaqstan tennıs federatsııasynan málim etkenindeı, Elena Rybakına «Sporttaǵy jyl serpilisi» atalymy boıynsha úzdik shyqty.
Bıyl 23 jastaǵy sportshy Qazaqstan tennısi tarıhynda alǵash ret jekeleı synda Ýımbldonda top jardy. Sondaı-aq taǵy eki WTA týrnıriniń jeńimpazy atandy.
Atalmysh baıqaýdy «Eýrazııa jyl adamy» uıymdastyrý komıteti 2000 jyldan beri ótkizip keledi. Túrli saladaǵy jyl úzdikterine «Altyn adam» syılyqtary tapsyrylady. Ony anyqtaý úshin turǵyndar arasynda saýalnama júrgizilip, sarapshylar daýys beredi, uıymdastyrý komıteti taldaý jasap, qazylar alqasy úzdikterdi tańdaıdy.
Ár jyldary Qazaqstanda Olga Shıshıgına, Ilıa Ilın, Aleksandr Vınokýrov, Elena Hrýstaleva, Gennadıı Golovkın, Dmıtrıı Balandın, Fırýza Sháripova, Qazbek Valıev, Zýlfııa Gabıdýllına jáne basqa sportshylar laýreat atandy.
Eske sala keteıik, budan buryn Elena Rybakınanyń Dýbaıda álemniń besinshi raketkasyn utqanyn jazǵan bolatynbyz.
Foto: Qazaqstan tennıs federatsııasy
