Elena Rybakına álemdegi úzdik jıyrma tennısshiniń qataryna qaıta endi
NUR-SULTAN. QazAqparat – Qazaqstannyń birinshi raketkasy Elena Rybakına álemdegi úzdik jıyrma tennısshiniń qataryna qaıta endi, dep habarlaıdy QazAqparat tilshisi.
Áıelder tennıs qaýymdastyǵynyń (WTA) jańartylǵan reıtıngisinde E.Rybakına 21-den 20-orynǵa kóterildi.
ıÝlııa Pýtıntseva 42-den 43-ke syrǵysa, Zarına Dııas 101-satyda qaldy.
Dúnıejúzilik reıtıngte aýstralııalyq Eshlı Bartı burynǵysha kósh bastasa, japonııalyq Naomı Osaka ekinshi, rýmynııalyq Sımona Halep úshinshi orynda keledi.
Erler arasynda Kásipqoı tennısshiler qaýymdastyǵy (ATP) reıtıngisinde Qazaqstannyń birinshi raketkasy Aleksandr Býblık te 39-dan 38-satyǵa, Mıhaıl Kýkýshkın 106-dan 105-ke joǵarylady. Dmıtrıı Popko 187-orynda tur.
Úzdik úshtikte – serbııalyq Novak Djokovıch, reseılik Danııl Medvedev, ıspanııalyq Rafael Nadal.
Eske sala keteıik, budan buryn qazaqstandyq jas tennısshiniń Ýkraınada ótken týrnırdiń jeńimpazy atanǵanyn jazǵan bolatynbyz.
