Elena Rybakına AQSh-taǵy týrnırdiń úshinshi aınalymyna óte almady
NUR-SULTAN. QazAqparat – Qazaqstannyń birinshi, álemniń 18-raketkasy Elena Rybakına Charlston (AQSh) WTA 500 týrnıriniń úshinshi aınalymyna shyǵa almady, dep habarlaıdy QazAqparat tilshisi.
Jarysty ekinshi aınalymnan bastaǵan qazaqstandyq tennısshi dúnıejúzilik reıtıngte 42-satyda turǵan ýkraınalyq Angelına Kalınınamen sheberlik baıqasty.
Birinshi partııada ýkraınalyq tennısshi sáttirek oınady – 6:4.
Ekinshisinde E.Rybakına artyǵymen ese qaıyrdy – 6:2.
Úshinshi, sheshýshi setti breıkpen bastaǵan A.Kalınına kóp uzamaı alǵa ketti – 4:2. Aqyry ol matchqa dop bergende, múmkindigin paıdalana bildi – 6:4.
Eki saǵat 18 mınýtqa sozylǵan matchta E.Rybakına 10 eıs jasap, 12 breık-poınttyń beseýin paıdalandy. Qarsylasy 2 eıs, 5 breıkpen (11 breık-poınt) kózge tústi.
A.Kalınına shırek fınalǵa shyǵý úshin álemniń 34-raketkasy, frantsııalyq Alıze Kornemen talasady.
Taǵy bir qazaqstandyq, álemniń 46-raketkasy ıÝlııa Pýtıntseva ekinshi aınalymda reıtıngte ózinen bir saty tómen turǵan amerıkalyq Amanda Anısımovadan utylyp qaldy – 1:6, 2:6.
Osylaısha iri dodada E.Rybakına da, ıÝ.Pýtıntseva da utylyp qaldy.
Eske sala keteıik, budan buryn ıÝlııa Pýtıntsevanyń Charlston týrnıriniń ekinshi aınalymyna shyqqanyn, Qazaqstan jasóspirimder quramasynyń Aýstralııamen oınaıtynyn jazǵan bolatynbyz.
Sondaı-aq qazaqstandyq tennısshiler Marokkodaǵy jarystyń shırek fınalyna shyqty.
