Elena Rybakına Adelaıda jarysynyń fınalynda jeńilip qaldy

ASTANA. QazAqparat – Qazaqstannyń birinshi raketkasy Elena Rybakına juptyq synda Adelaıda 2 (Aýstralııa) WTA 500 týrnıriniń fınalynda jeńilip qaldy, dep habarlaıdy QazAqparat tilshisi.

Qazaqstandyq tennısshi reseılik Anastasııa Pavlıýchenkovamen birge fınalda brazılııalyq Lýıza Stefanı – amerıkalyq Teılor Taýnsendpen bas júldeni sarapqa saldy.

Qazaqstandyq-reseılik jup 5:7, 6:7 (3:7) esebimen ese jiberdi.

Eki saǵatqa jýyq ýaqytqa sozylǵan tartysty matchta Rybakına men Pavlıýchenkova 2 eıs jasap, 10 breık-poınttyń tórteýin paıdalana bildi.

Qarsylastary 6 eıs, 5 breıkpen (14 breık-poınt) kózge tústi.

Fınalǵa deıin jetkeni úshin Elena men Anastasııa 305 reıtıngilik upaıǵa ıe bolyp, 24 300 AQSh dollary kóleminde tabys tapty.

Bul Rybakınanyń WTA dodalaryndaǵy ekinshi fınaly edi. 2021 jyly qazanda Indıan-Ýells jarysynda da ol sońǵy básekege deıin jetken edi.

Eske sala keteıik, budan buryn Elena Rybakınanyń juptyq synda Adelaıda týrnıriniń fınalyna shyqqanyn jazǵan bolatynbyz.

Sondaı-aq qazaqstandyq tennısshilerdiń Aýstralııa ashyq chempıonatyndaǵy qarsylastary anyqtaldy.

Qazaqstandyq tennısshi Taılandtaǵy týrnırdiń jartylaı fınalyna ótti.

Foto: Qazaqstan tennıs federatsııasy