Elena Rybakınanyń WTA qorytyndy týrnırindegi qarsylastary anyqtaldy
ASTANA. KAZINFORM — Er-Rııad qalasynda (Saýd Arabııasy) 1-8 qarashada ótetin WTA qorytyndy týrnırininiń jerebesi tartyldy.
Qazaqstannyń birinshi, álemniń 6-raketkasy Elena Rybakına Serena Ýılıamstiń tobyna tústi.
Elena Rybakınanyń qarsylastary — Iga Shventek (Polsha), Amanda Anısımova (AQSh) jáne taǵy bir amerıkalyq Medıson Kız.
Al Shteffı Graf tobynda Arına Sobolenko (Belarýs), amerıkalyqtar Korı Gaýff pen Djessıka Pegýla jáne ıtalııalyq Jasmın Paolını oınaıdy.
Ár toptan eki úzdik tennısshi jartylaı fınalǵa joldama alady.
Jyldyń qorytyndy týrnırinde sondaı-aq juptyq synda myna tennısshiler óner kórsetedi.
Martına Navratılovavnyń toby:
Sara Erranı/Jasmın Paolını;
Veronıka Kýdermetova/Elıse Mertens;
Se Shýveı/Elena Ostapenko;
Aısha Mýhammad/Demı Shýrs.
Lızel Hýber toby:
Katerjına Sınıakova/Teılor Taýnsend;
Gabrıela Dabrovskı/Erın Rýtlıff;
Mırra Andreeva/Dıana Shnaıder;
Tımıa Babosh/Lýıza Stefanı.
Elena Rybakına álemniń úzdik tennısshileri qatysatyn jyldyń qorytyndy jarysynda osymen úshinshi ret baq synamaqshy. Qazaqstandyq sportshy 2023 jáne 2024 jyly da jartylaı fınalǵa shyǵa almaǵan edi.
Eske sala keteıik, budan buryn Aleksandr Býblıktiń Parıj masters jarysyn jeńispen bastaǵanyn jazǵan edik.
