Elena Rybakınanyń WTA qorytyndy týrnırindegi barlyq qarsylasy anyqtaldy
ASTANA. KAZINFORM — Indıan-Ýellste (AQSh) 8-15 qarashada ótetin WTA qorytyndy týrnırine qatysatyn barlyq tennısshi belgili boldy.
Qorytyndy jarysqa beriletin sońǵy joldamaǵa chehııalyq Karolına Mýhova ıe boldy.
Nınbo (Qytaı) WTA 500 týrnıriniń ekinshi aınalymynda ýkraınalyq Marta Kostıýk pen reseılik Ekaterına Aleksandrova sheberlik baıqasqan edi. Esep 6:4 bolyp, reseılik sportshy jeńip jatqan mezette Kostıýk matchty jalǵastyrýdan bas tartty. Sóıtip Kostıýktiń chempıondyq kestede Mýhovany basyp oza almaıtyny anyqtaldy.
Osylaısha, jyldyń sońǵy dodasynda Elena Rybakına, Arına Sobolenko (Belarýs), Mırra Andreeva (Reseı), Djessıka Pegýla, Korı Gaýff (ekeýi de AQSh), Elına Svıtolına (Ýkraına), Lında Noskova jáne Karolına Mýhova (ekeýi de Chehııa) baq synaıdy.
Byltyrǵy qorytyndy týrnırde Rybakına úzdik shyqqan edi.
Eske sala keteıik, budan buryn Mıhaıl Kýkýshkınniń Almatydaǵy sońǵy jarysyn jeńispen bastaǵanyn jazǵan edik.
Sondaı-aq Almaty týrnırinde Býblık pen Nurlanuly alǵash ret birge óner kórsetti.
Elena Rybakına iri jarystardaǵy vınners sany jóninen kósh bastady.
