Elena Rybakınanyń Tsıntsınnatı týrnırindegi alǵashqy qarsylasy anyqtaldy
ASTANA. KAZINFORM – Qazaqstannyń birinshi, álemniń 2-raketkasy Elena Rybakına Tsıntsınnatı (AQSh) WTA 1000 týrnırin ekinshi aınalymnan bastaıdy.
Toronto dodasynan keıin birden Tsıntsınnatıdegi jarysqa qatysatyn qazaqstandyq tennısshi ekinshi aınalymda reıtıngide 110-oryndaǵy amerıkalyq Teılor Taýnsendpen sheberlik baıqasady.
Amerıkalyq sportshy bastapqy kezdesýinde álemniń 60-raketkasy, kolýmbııalyq Kamıla Osorıony joldan taıdyrdy – 3:6, 6:3, 6:3.
Taǵy bir qazaqstandyq, reıtıngide 82-oryndaǵy ıÝlııa Pýtıntseva álemniń 55-raketkasy, reseılik Lıýdmıla Samsonovamen kezdesedi. Torontoda E.Rybakına L.Samsonovany 6:4, 4:6, 6:4 esebimen jeńgen bolatyn. Endi reseılik tennısshiniń joly ıÝ.Pýtıntsevamen túıisip otyr.
Ótken jyly Tsıntsınnatı jarysynda E.Rybakına shırek fınalda álemniń 1-raketkasy, Belarýs ókili Arına Sobolenkony 6:1, 6:4 esebimen tize búktirgen edi. Biraq jartylaı fınalda polıak tennısshisi Iga Shventekten 5:7, 3:6 esebimen jeńilip qalǵan. Keıin I.Shventek fınalda ıtalııalyq Jasmın Paolınıdi 7:5, 6:4 esebimen utyp, chempıon atandy.
Bıyl atalǵan tennısshiler úshin Tsıntsınnatı korty tabysty bola ala ma, ony aldaǵy oıyndar kórsetedi. Olardyń bárine de ótken jylǵy reıtıngilik upaılaryn qorǵaýǵa týra keledi.
Búgin túnde Torontoda fınalda I.Shventekke ese jibergen E.Rybakınanyń álemniń 1-raketkasy ataný úshin A.Sobolenkomen taıtalasy Tsıntsınnatıde jalǵasady.
Júlde qory 7 mln 433,076 myń AQSh dollaryna baǵalanǵan Tsıntsınnatı týrnıri 23 tamyzda máresine jetedi. Jeńimpaz 1 mln 086,220 myń dollarǵa qosa 1 myń reıtıngilik upaıǵa qol jetkizedi.
Eske sala keteıik, budan buryn Elena Rybakınanyń Toronto týrnıriniń fınalynda ese jibergenin jazǵan edik.
