Elena Rybakınanyń Tokıo týrnırindegi qarsylasy anyqtaldy

Tokıo qalasynda 25 qyrkúıek – 1 qazan aralyǵynda ótetin WTA 500 týrnıriniń jerebesi tartyldy, dep habarlaıdy QazAqparat tilshisi.

Álemniń 5-inshi, osy jarystyń 3-raketkasy Elena Rybakına bastapqy kezdesýin dúnıejúzilik reıtıngte 41-orynda turǵan Chehııanyń jas juldyzy, 18 jastaǵy Lında Noskovamen ótkizedi.

Odan ótse, qazaqstandyq tennısshi ekinshi aınalymda horvatııalyq Donna Vekıch nemese reseılik Anastasııa Pavlıýchenkovanyń bireýimen kezdesedi.

Dodada birinshi bolyp tirkelgen «Úlken dýlyǵa» týrnıriniń tórt márte chempıony, Polsha ókili Iga Shventek pen dúnıejúzilik reıtıngte tórtinshi orynda turǵan amerıkalyq Djessıka Pegýla týrnırdi ekinshi aınalymnan bastaıdy.

Eger Tokıo tórinde sátti óner kórsetse, E.Rybakına jaqsy tabys tabýmen qatar reıtıngte de qaıtadan joǵary kóterile alady.

Qazirgi kezde Tokıo jarysynyń irikteý saıystary ótýde.

Eske sala keteıik, budan buryn ıÝlııa Pýtıntsevanyń Qytaıdaǵy jarystyń fınalyna bir qadam jetpeı qalǵanyn jazǵan bolatynbyz.